ಕುಂಸಿ ಠಾಣೆ ವ್ಯಾಪ್ತಿ ಆಡಗಡಿಯಲ್ಲಿ ಮಳೆಯ ಕಾರಣದಿಂದ ಮನೆ ಗೋಡೆ ಕುಸಿತ – ವೃದ್ಧೆಯ ಮರಣ.!

ರಾತ್ರಿ ಸುರಿದ ಭಾರಿ ಮಳೆಯಿಂದಾಗಿ ಕುಂಸಿ ಪೊಲೀಸ್ ಠಾಣಾ ವ್ಯಾಪ್ತಿಯ ಆಡಗಡಿ ಗ್ರಾಮದಲ್ಲಿ ದುರ್ಘಟನೆ ಸಂಭವಿಸಿದೆ.

ಗ್ರಾಮದ ಶ್ರೀಮತಿ ಹೇಮಾವತಿ ಕೋಂ ನಾಗರಾಜ್ (ವಯಸ್ಸು 45), ಕೂಲಿ ಕಾರ್ಮಿಕರಾಗಿ ಜೀವನ ನಡೆಸುತ್ತಿರುವವರ ವಾಸದ ಮನೆಯ ಗೋಡೆ ಮಳೆಯಿಂದಾಗಿ ಕುಸಿದು ಬಿದ್ದಿದೆ.

ಈ ದುರ್ಘಟನೆಯಲ್ಲಿ ಹೇಮಾವತಿಯ ಸಂಬಂಧಿಯಾದ ಶತಾಯುಷಿ ಸಿದ್ದಮ್ಮ (ವಯಸ್ಸು 100), ಕುಂಕೋವ ಗ್ರಾಮ, ಹೊನ್ನಾಳಿ ತಾಲೂಕು ಮೂಲದವರು ದುರ್ಘಟನೆಯಲ್ಲಿ ಗಂಭೀರವಾಗಿ ಗಾಯಗೊಂಡು ಮೃತಪಟ್ಟಿದ್ದಾರೆ.

ಅವರ ಜೊತೆಯಲ್ಲಿ  ಮಗಳು ಪಲ್ಲವಿ, ಅಳಿಯ ಪರಶುರಾಮ್ ಹಾಗೂ ಮೊಮ್ಮಗ ಚೇತನ್ (ವಯಸ್ಸು 2 ವರ್ಷ) ಇವರುಗಳಿಗೂ ಸಣ್ಣಪುಟ್ಟ ಗಾಯಗಳು ಸಂಭವಿಸಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಸ್ಥಳಕ್ಕೆ ಕುಂಸಿ ಠಾಣೆ ಪೊಲೀಸರು   ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಹೆಚ್ಚಿನ ಮಾಹಿತಿ ಇನ್ನಷ್ಟೆ ಬರಬೆಕಿದೆ.