ಶಿವಮೊಗ್ಗ, ಜುಲೈ 10: ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಜುಲೈ ತಿಂಗಳಲ್ಲೇ ತುಂಗಾ ಜಲಾಶಯ ಸಂಪೂರ್ಣ ಭರ್ತಿಯಾಗಿ ರೈತರಿಗೆ ಸಂತಸದ ಸುದಿನ ತಂದುಕೊಟ್ಟಿದೆ. ಜುಲೈ 10 ರಂದು ಬೆಳಿಗ್ಗೆ 11:30 ಕ್ಕೆ ತುಂಗಾ ಅಣೆಕಟ್ಟೆ ಬಳಿ ಸಂಸದ ಬಿ.ವೈ. ರಾಘವೇಂದ್ರ, ಡಿ.ಎಸ್. ಅರುಣ್, ಶಾಸಕ ಚನ್ನಬಸಪ್ಪ, ಮಾಜಿ ಗೃಹಸಚಿವ ಆರಗ ಜ್ಞಾನೆಂದ್ರ ಮತ್ತು ಇತರ ಬಿಜೆಪಿ ನಾಯಕರು ಬಾಗಿನ ಅರ್ಪಿಸಿ ದೇವಿಗೆ ವಿಶೇಷ ಪೂಜೆ ಸಲ್ಲಿಸಿದರು.
ತುಂಗಾ ಜಲಾಶಯದಲ್ಲಿ ಪ್ರಸ್ತುತ 2.365 ಟಿ.ಎಂ.ಸಿ. ನೀರಿದ್ದು, ಸಂಪೂರ್ಣ ಸಾಮರ್ಥ್ಯ 3.24 ಟಿ.ಎಂ.ಸಿ. ಆಗಿದೆ. ಈ ಬಾರಿ ತುಂಗಾ ನದಿಯ ಜಲಾನಯನ ಪ್ರದೇಶದಲ್ಲಿ ಮುಂಗಾರು ಆರಂಭದಿಂದಲೇ ಉತ್ತಮ ಮಳೆಯಾದ ಕಾರಣ ಡ್ಯಾಂ ಜುಲೈದಲ್ಲಿಯೇ ಭರ್ತಿಯಾಗಿದ್ದು, ಇದೊಂದು ಅಪರೂಪದ ದಾಖಲೆ. ಇದರಿಂದ ಕೃಷಿಕರಿಗೆ ನಿರಂತರವಾಗಿ ನೀರಿನ ಪೂರೈಕೆ ಸಾಧ್ಯವಾಗಲಿದೆ ಎಂಬ ಆಶಾಭಾವನೆ ಮೂಡಿದೆ.
ಈ ಸಂದರ್ಭದಲ್ಲಿ ಮಾತನಾಡಿದ ಸಂಸದ ಬಿ.ವೈ. ರಾಘವೇಂದ್ರ, “ತುಂಗಾ ತಾಯಿಯ ಆಶೀರ್ವಾದದಿಂದ ಈ ವರ್ಷ ಧಾನ್ಯಾರ್ಜನೆ ಭದ್ರವಾಗಲಿದೆ. ರೈತರು ಸಮೃದ್ಧಿಯಾಗಲಿ ಎಂಬದೇ ನಮ್ಮ ಆಶಯ. ಈ ಜಲಾಶಯದಿಂದ ಲಕ್ಷಾಂತರ ಎಕರೆ ಭೂಮಿಗೆ ನೀರಾವರಿ ಸಾದ್ಯವಾಗುತ್ತಿದೆ” ಎಂದು ಹೇಳಿದರು.
ರೈಲ್ವೆ ಅಭಿವೃದ್ಧಿ ಯೋಜನೆಗಳು:
ಸಂಸದರು ಶಿವಮೊಗ್ಗ ಜಿಲ್ಲೆಗೆ rail infra boost ಕುರಿತು ಮಾಹಿತಿ ನೀಡುತ್ತಾ, ರಾಜ್ಯದ ನಾಲ್ಕನೇ ರೈಲ್ವೆ ಕೋಚಿಂಗ್ ಡಿಪೋ ಶಿವಮೊಗ್ಗದಲ್ಲಿ ಸ್ಥಾಪನೆಯಾಗಲಿದ್ದು, ಇತಿಹಾಸದ ಪುಟಕ್ಕೆ ಹೊಸ ಅಧ್ಯಾಯ ಸೇರಲಿದೆ ಎಂದರು.
ವಂದೇ ಭಾರತ್ ರೈಲು ಸೇವೆಗಳು: ಶಿವಮೊಗ್ಗ-ಬೆಂಗಳೂರು ಹಾಗೂ ಶಿವಮೊಗ್ಗ-ತಿರುಪತಿ ಮಾರ್ಗಗಳಲ್ಲಿ ವಂದೇ ಭಾರತ್ ರೈಲು ಸೇವೆ ಆರಂಭವಾಗಲಿದೆ.
ಹೊಸ ರೈಲು ಸಂಪರ್ಕಗಳು: ಶಿವಮೊಗ್ಗದಿಂದ ಕೇರಳ, ಬಿಹಾರ, ಜಾರ್ಖಂಡ್, ಚಂಡೀಗಢ ಮತ್ತು ಗೌಹಾಟಿಗೆ ರೈಲುಗಳ ಸಂಚಾರವೂ ಪ್ರಾರಂಭವಾಗಲಿದೆ.
ಹೊಸ ಮಾರ್ಗ ಸರ್ವೆಗಳು: ತಾಳಗುಪ್ಪ-ಶಿರಸಿ-ಮುಂಡಗೋಡು-ತಡಸ ಮಾರ್ಗದಲ್ಲಿ 150 ಕಿ.ಮೀ. ನೂತನ ರೈಲು ಮಾರ್ಗ ನಿರ್ಮಾಣಕ್ಕೆ ಸರ್ವೆ ಕಾರ್ಯ ಪ್ರಗತಿಯಲ್ಲಿದೆ. ಈ ಮಾರ್ಗದಲ್ಲಿ ಅರಣ್ಯ ಭೂಮಿ ಹೆಚ್ಚಿದ್ದು, ಪರ್ಯಾಯ ಭೂಮಿ ನೀಡುವ ಪ್ರಕ್ರಿಯೆ ಆರಂಭವಾಗಿದೆ.
ತಾಳಗುಪ್ಪ-ಹೊನ್ನಾವರ ಮಾರ್ಗಕ್ಕೂ ಶೇ.73 ಅರಣ್ಯ ಪ್ರದೇಶ ಬರುವುದರಿಂದ ಸರ್ಕಾರ ಅಂತಿಮ ನಿರ್ಧಾರ ಕೈಗೊಳ್ಳಬೇಕಿದೆ.
ಚಿಕ್ಕಮಗಳೂರು-ಬೇಲೂರು-ಹಾಸನ ನೂತನ ಮಾರ್ಗ, ಬೀರೂರು-ಶಿವಮೊಗ್ಗ ಡಬ್ಲಿಂಗ್ ಯೋಜನೆಗೆ ₹1900 ಕೋಟಿ ಅನುಮೋದನೆ, ಭದ್ರಾವತಿ-ಚಿಕ್ಕಜಾಜೂರು ನಡುವೆ 73 ಕಿ.ಮೀ. ಮಾರ್ಗಕ್ಕೆ ಟೆಂಡರ್ ಕರೆಯಲಾಗಿದೆ.
ಈ ಅಭಿವೃದ್ಧಿಯ ಯೋಜನೆಗಳು ಜಿಲ್ಲೆಯ ಆರ್ಥಿಕ ಹಾಗೂ ಸಾಮಾಜಿಕ ಕ್ಷೇತ್ರದ ಪ್ರಗತಿಗೆ ಮಾರ್ಗದರ್ಶಿಯಾಗಲಿವೆ ಎಂದು ಅವರು ಅಭಿಪ್ರಾಯಪಟ್ಟರು.
ತೂಗಾ ನದಿಯ ಇತಿಹಾಸದ ಈ ಸ್ಮರಣೀಯ ಕ್ಷಣ ರೈತರ, ನದಿಯ ದಟ್ಟ ಜನಜೀವನದ ಭಾಗವಾಗಿ ಉಳಿಯಲಿದೆ.